1о проблеми со кои се соочува секој книгољубец

  /  #bookworm   /  1о проблеми со кои се соочува секој книгољубец

1о проблеми со кои се соочува секој книгољубец

 

 

Книгољупството е едно од најубавите хобија, зарем не? Пред нас се отвораат толку многу светови за истражување. Толку многу нешта што може да се научат и толку многу работи во кои може да се ужива! Но дури и книгољупците се соочуваат со некакви главоболки. Па, ако сте вистински книгољубец, сигурно ќе се препознаете во повеќето точки од овој список од 10 проблеми.

 

 

1. Цени на книги што не можете да си ги дозволите

На врвот на листата со проблеми што само книгољупците ќе ги разберат е постојаната битка меѓу желбата да се купат сите посакувани книги и немањето доволно пари оваа желба да се реализира. Секако, секогаш можете да позајмите книги од некоја библиотека, но кога читате некоја книга што е толку добра што веднаш си ја замислувате на полицата во својата домашна библиотека… е, па, тогаш цената навистина може да биде проблем!

 

2. Купување премногу книги

Купувањето премногу книги е уште еден голем проблем за секој книгољубец. Како кога ќе се прејадеме за Божиќ, зарем не? Стомакот ни е полн, но погледот бара уште… или во нашиот случај, купот непрочитани книги е премногу голем во споредба со времето за читање со кое всушност располагаме! И продолжува да расте и да расте…

 

 

3. Читање цела ноќ

Ви текнува на оној момент кога ќе останете будни цела ноќ затоа што не можете да ја оставите книгата што ја читате? Е, па, ако ви е утеха, не сте единствените. 🙂

 

4. Чекањето да излезе новата книга од серијалот

Ова е можеби и еден од најтрагичните проблеми: кога ќе завршите книга што е дел од некој серијал и морате да чекате можеби година-две, па и повеќе, за да го прочитате следниот дел.

 

Извор: Andrea Piacquadio (Pexels)

 

5. Лоша филмска верзија

Сите знаеме дека книгољупците и не сакаат кога нивните омилени книги се адаптирани во филмски верзии. А кога филмската верзија ќе ги разочара дури и љубителите на филмови – е, тоа веќе е сериозен проблем. L

 

6. Моментот кога книгата ќе заврши

Целосно се препуштате на некоја книга, уживате во неа и сè е супер сè до моментот кога не сфаќате дека сте стигнале до крајот, а вам уште ви се чита…

 

Извор: Daria Sheptsova (Pexels)

7. Рано предвидување на дејството

Кај некои книги може да ви се случи многу рано и многу лесно да предвидите како ќе се одвива дејството… веројатно затоа што веќе сте прочитале прееееемногу книги што следат некаква слична формула. Но овој проблем само го прави поголемо уживањето во книгите што навистина успеваат да ве изненадат.

 

8. Луѓето секогаш ве прашуваат која книга ви е омилена

Ако некој сака книги доволно, тогаш сигурно ќе му е јасно дека не можете да изберете само една омилена книга, нели? Па, кога некој ќе ви го постави ова прашање… низ главата ви прелетуваат можеби сите книги што ги имате прочитано. Ова е дефинитивно најлошото прашање што може да му се постави на љубител на книги.

 

9. Премногу книги, премалку време!

Ви текнува на купот со непрочитани книги што цело време се зголемува? Е, па, кога побргу да стигнете да прочитате сè?

 

10. Неможноста една книга двапати да се прочита за првпат

Го знаете она чувство кога некоја книга навистина ви се допаднала и сакате повторно да ја доживеете, но на истиот начин како првпат да ја читате? Не постои втора шанса за прво читање и тоа е навистина тажно.

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram