Андри Снаер Магнасон е еден од најпознатите писатели од Исланд. Во 2002 година неговиот роман LoveStar беше прогласен за роман на годината од страна на исландските книжарници и ја доби книжевната награда ДВ. Приказната за сината планета – во моментов објавена на 22 јазика – е првата детска книга што ја доби највисоката книжевна награда на Исланд, а воедно и почесната награда Јануш Коржак и Западнонордиската награда за книжевност за деца. Андри Магнасон е добитник и на наградата Каиро во 2010 година. Во 2016 година се кандидирал за претседател на Исланд и влегол меѓу најдобрите тројца кандидати.