Рајан Холидеј (1987) е американски маркетинг агент и писател. Автор е на десетина книги, меѓу кои  „Егото е непријател“, „Од препрека до успех“, „Верувај ми, лажам“, „Животот на стоиците“, „Спокојството е клучот“ и др. Сите тие наидоа на одличен прием кај светската јавност и за кратко време станаа бестселери. Голем дел од милионите примероци продадени низ светот се најдоа во рацете на врвни спортисти и лидери, но и во рацете на сите оние што сакаат да ѕирнат отаде надворешниот изглед и да извлечат голем број поуки и сознанија до кои треба секојдневно да се држат. Речиси целокупното дело на Холидеј се темели врз основата што ја поставиле античките мислители пред повеќе од два милениума, особено стоиците, но продолжува како проникливо преиспитување и приспособување на таквата философија во современи рамки.