Сузана В. Спасовска е родена во јуни, 1972 год. во Ротердам, Холандија, дипломирала и магистрирала на Филолошкиот факултет „Блаже Конески“ во Скопје. Ги објавила стихозбирките: И љубов и заговор (1996), Смртно писмо (2002), Божествена жена (2006) и Низ темјанот, еден лилјан (2014). Пишувала критичкотеориски текстови во дневните весници и во периодиката. Од 2003 година била еден од уредниците на книжевното списание „Разгледи“. Во 2006 година ја приредила антологијата на поновата македонска поезија „Пурпурни извори“ во издание на Струшките вечери на поезијата. Повремено зема учество на книжевни симпозиуми и конференции. Член е на Здружението за компаративна книжевност на Македонија и на Здружението на лекторите на Македонија. Работи како професионален лектор.