ДВОЈНО СТАКЛО од исландската авторка Халдора Тородсен

  /  Соопштенија   /  ДВОЈНО СТАКЛО од исландската авторка Халдора Тородсен

ДВОЈНО СТАКЛО од исландската авторка Халдора Тородсен

 

 

24 септември 2019

 

Издавачката куќа Антолог од Скопје со големо задоволство соопштува дека во рамките на проектот Читаме заедно! (United we read!) ја објави книгата ДВОЈНО СТАКЛО од исландската авторка Халдора Тородсен

 

Смртта полека ѝ се приближува на една постара жена што живее сама во својот мал стан во Рејкјавик. Таа секојдневно го набљудува светот низ двојното стакло на прозорецот во својата кујна. Нејзиниот сопруг неодамна починал, бројот на пријателите се намалува, здравјето ѝ се влошува и енергијата и живоста постепено се цедат од нејзиното тело. Сè што ја очекува е изолација и смрт. Но одеднаш се случува чудо.

Нова љубов го раздвижува нејзиното осамено постоење, давајќи ѝ надеж, но и сомнежи и стравови. Свесна за генерациското табу, кое буди потсмев, се прашува: како ќе гледаат другите на оваа љубов? Приказна раскажана без сентименталност, со цврст и полн стил, чија оригиналност со право се стекнува со Наградата за литература на Европската Унија во 2017 година и со престижната Исландска награда за литература за жени во 2016 година.

Овој роман следниот месец ќе биде промовиран и во Скопје во рамките на Фестивалот на европската литература „BookStar“ со гостување на авторката Халдора Тородсен.

 

Халдора Тородсен (1950) е исландска писателка. Дипломирала педагогија и уметност во Исланд. Работела како учителка, графички уредник во дневен весник, раководител на ликовната наставна програма за основните училишта и како програмски директор во радио. Пишува во повеќе жанрови, и тоа поезија, кратки раскази, микрофикција и романи.

 

Македонското издание на книгата е преведено од Мери Кицовска, графички уредено од Марко Трпески, а финансиски поддржано од програмата Креативна Европа на Европската Унија, Министерството за култура на Република Македонија и Исландската книжевна фондација.

 

 

 

 

 

 

 

Следете нè на:

Facebook

https://www.facebook.com/antolog

 

Instagram

antolog_mk

 

Youtube
https://www.youtube.com/channel/UCPMeZZYy8_NAAGJ4bUR3OeA

 

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram