Елена Ѓоршеска, книжарка и лекторка

  /  Специјалитет на куќата (Антолог препорачува)   /  Елена Ѓоршеска, книжарка и лекторка

Елена Ѓоршеска, книжарка и лекторка

 

 

 

„Гатанки-катанки“ – Александар Кујунџиски

 

Кога имаш деца, поголем дел од времето го поминуваш читајќи избор што тие го направиле, па така секоја вечер кај нас дома читаме гатанки и се смееме најгласно. Има околу 200 гатанки и што е најважно децата супер ги прифаќаат зашто начинот на пренесување е лесен и хумористичен.

 

„Тим – официјалната биографија на Авичи“ – Монс Мосесон

 

За тие што сакаат да читаат биографии, ова е мојот избор. Истражувачкото новинарство  на Монс нè доблжува до интимноста на Авичи и што е многу важно ни пренесува една порака за менталното здравје и за тоа што треба човек да помине за да стигне до животната потрага по совршенство.

 

„Штама“ – Ирса Сигурдадотир  

И секако, маестрото на раскажувачката тензија, а овој пат се одлучив за „Штама“ бидејќи до последната страница е неизвесно и напнато, па топло им го препорачувам на сите љубители на трилери.

 

„Татко ми, Босфор“ – Јован Илиески

„Татко ми, Босфор“ е нов роман на Јован, а Јован е едно младо талентирано момче коешто низ страниците на овој роман ни ја преточил сета истанбулска магија. Две девојки со исто име во две различни времиња, како што вели авторот, живеат за едно нешто, да ѝ најдат смисла на смртта.

 

„Дете – тоа гордо звучи“ – Блаже Конески

Оваа книга е мост што нè поврзува нас возрасните со светот на децата и ни пренесува една порака дека не смееме да го заспиеме детето во себе. Конески за мене е столб, а неговото поетско творештво треба да им го всадиме на децата од најмала возраст. Па, како што ми го всадиле и мене, секогаш ќе биде мојот избор кога треба да се одлучам за препорака.

 

 

 

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram