Фотоконкурс на тема „Are you bookcinated?“

 

 

Драги наши, дали сте подготвени за целосна имунизација со најдобрата книжевност и одбрани наслови и автори? Имунизацијата ја почнуваме уште денеска преку нашиот сајт antolog.mk, а ја продолжуваме на добропознатото место во ВИП Арена од 8 до 14 септември 2021 година. Побарајте го нашиот „bookcination spot“ и примете ги сите потребни дози од книжевната вакцина, кои ќе ви обезбедат дозвола да отпатувате на најнеочекуваните и највозбуливите дестинации.

А за вас подготвивме и уште едно изненадување. Од денеска до 15 септември го отвораме фотоконкурсот на тема „ARE YOU BOOKCINATED?“ Немаме никакви посебни барања од вас, очекуваме само да се инспирирате од темата и да дозволите вашата креативност и имагинативност да завладеат со сите ваши сетила. Не се сомневаме дека пријатно ќе нѐ изненадите.

Како да учествувате? Објавете фотографија на темата на вашите профили на „Фејсбук“ и на „Инстаграм“, означете ги нашите профили и користете го хаштагот #IAmBookcinated. А ние најдобрата и најкреативна фотографија ќе ја наградиме со пакет книги по свој избор во наше издание.

На предизвикот може да учествувате со неограничен број фотографии, но потребно е објавите и профилите да бидат јавни (public) за да може да ги видиме фотографиите.

Во очекување на вашите прекрасни фотографии!

Со љубов, Антолог