Како ги редите книгите и што тоа говори за вас?

  /  #bookworm   /  Како ги редите книгите и што тоа говори за вас?

Како ги редите книгите и што тоа говори за вас?

 

 

 

Како ги редите книгите на полиците од вашата домашна библиотека? Дали имате некое правило?

Сеедно каков редослед на редење практикувате, психолозите велат дека тоа многу кажува за книгите што ги читате, но открива и други работи за вас што може ни самите не сте ги знаеле.

 

Редење според боја

За луѓето што практикуваат да ги наредат своите книги според бојата се вели дека најчесто ги оценуваат книгите според корицата и дека таквиот редослед буквално го третираат како уметничка инсталација. Некои стручњаци, пак, тврдат дека на оние што ги редат книгите по боја и не им е баш битно што се наоѓа во нив.

Познати личности што ги редат книгите по боја се  британскиот водител и писател Бен Фогл и американската дива Опра Винфри.

 

Редење по азбучен ред

Ако ги редите книгите по азбучен ред, вие сте книгољубец што сака секогаш во најкраток рок да ја пронајде бараната книга (бидејќи сигурно е дека секоја педа од вашиот ѕид е прекриена со книги), сеедно дали е Маргарте Атвуд или Михаел Шолохов на „дневен ред“. Единственото прашање што ве мачи е: како да ја класифицирате публицистиката? Веројатно најпрвин ја сортирате по категории за секој жанр, од градинарство, преку кулинарство, до патувања и уметност. Само што понекогаш ве буни дали биографиите одат под автобиографии или мемоари.

Познати личности што ги редат книгите по азбучен ред: писателката Сузан Сонтаг.

 

Распоредот на книгите како одраз на состојбата на умот

Како што објаснува норвешкиот автор Карл Уве Кнаусгор: „На подот до мојот кревет стојат куп книги што сакам да ги прочитам, книги што морам да ги прочитам и книги за кои верувам дека би требало да ги прочитам. Значи, зборуваме за ид, его и суперего книги. Во првата категорија ќе ја пронајдете „Ноќниот менаџер“ од Џон ле Каре. Во вториот куп се наоѓаат три книги што зборуваат за историјата на ѓаволот, а во суперего купчето се Теодор Адорно, Мартин Хајдегер и раните грчки филозофи. По малку претенциозно, зарем не?

 

  Хоризонтален начин на редење

Овој тип луѓе ги редат книгите во хоризонтална (легната) положба. За нив обично се вели дека ги краси уметнички дух и дека поседуваат огромен број уметнички книги со голем формат. Најчесто меѓу книгите на полиците чуваат скулптури и други уметнички дела. Тие луѓе обожаваат драмски дела, но веројатно е дека се занимаваат и со фотографија и дизајн. Најголемата предност при ваквото редење на книгите е што зафаќаат помалку простор, но затоа, ако ви затребаат оние од дното на купчето, секако ќе имате проблем да ги извлечете.

 

Познати личности што хоризонтално ги редат книгите: покојниот дизајнер Карл Лагерфелд и дизајнерот на ентериери Бани Вилијамс.

 

 Редење на книгите така што нема да се гледа грбот

Ултра мега гига префинет тренд на редење книги е така што грбот на книгата е свртен кон внатрешноста на полицата, па во видното поле се само белите страници. Марк Парсел од Универзитетот во Кембриџ тврди дека, иако денес е нормално да се наредат книгите така што ќе им се гледаат грбовите, во шеснаесеттиот век културолошките норми налагале насловите да се печатат на рабовите од страниците. Првата позната книга на англиски јазик чиј наслов е испечатен на грбот е отпечатена во 1604 година и тоа било сметано за иновативно чудо. Потоа следува периодот што историчарите го нарекуваат  големиот пресврт, кога методот на изложување на книгите е променет.

Моментално во тренд е бело, бело и уште малку бело. Единствената мана на овој стил е неможноста да ја пронајдете книгата по наслов.

Познати личности што ги редат книгите на овој начин: само исчукајте #backwardsbooks во пребарувачот на Инстаграм или Пинтерест.

 

Креативен хаос

Вие и вашите книги сте на иста бранова должина, така што е потполно бесмислено да пробувате да ги доведете во ред , било по азбучен ред, големина или боја. Тие се дел од вашето духовно битие и вашиот дом, па, ако потрагата за одредена книга бара дури и ползење по подот, тоа не е никаков проблем – бидејќи и тоа за нив е дел од кретивниот процес.

Познати хаотични креативци? Фили Пулман и дизајнерот Пол Смит.

 

Извор: standard.co.uk

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram