Марко Трпески, графички дизајнер
1.
Малтерего – Марко Шелиќ Марчело
„Затоа што оној што доволно долго зборува, неминовно ќе ги издаде најдлабоките бездни од себството, преку она што ќе го каже и преку она што ќе го премолчи…“ (К. Г. Јунг), поради тоа што Maрчело донесува една гласна метафорична вивисекција на еден временски интервал за кој многу од нас само тивко сведочат…
2.
Последниот чувар на остовт Елис – Гаел Жос
Затоа што ова е верзија на егзистенцијалната потрага за подобро утре, затоа што ова е ехо на духот и коските што треперат во ритамот на надежта, затоа што островот Елис може да е кој било остров, денес, вчера, а најверојатно и утре…
3.
Шест проблеми за дон Исидро Пароди – Хорхе Луис Борхес и Адолфо Биој Касарес
За парадоксот „Златен кафез“, поради тоа што хуморот е автокорективен метод и катализатор на моделите на социоинклузијата, поради мозаикот од шест испреплетени приказни, кои истовремено може да се читаат и со детективски и со комичарски очила.
4.
Биографија на гладот – Амели Нотомб
Поради архетипската смисла на гладот, поради моралниот хазард и етичкото дразнење, поради сите форми на гладот што се знаци покрај патот за нашето битие.
5.
Kиберијада – Станислав Лем
Затоа што вака или онака живееме таму. Затоа што згодите и незгодите на Клапациј и Трурл се огледало на моите и твоите згоди и незгоди… Затоа што и јас и ти сме на моменти вџашени од пиратите и роботите на ова време, затоа што и јас и ти од Лем учиме модели како да не се претопиме во алузивната естетика на актуелните случувања или збиднувањата што можеби ни претстојат.
