НЕВЕРОЈАТНАТА ПРИКАЗНА ЗА ЏИНОВСКАТА КРУША од данскиот автор Јакоб Мартин Стрид

  /  Соопштенија   /  НЕВЕРОЈАТНАТА ПРИКАЗНА ЗА ЏИНОВСКАТА КРУША од данскиот автор Јакоб Мартин Стрид

НЕВЕРОЈАТНАТА ПРИКАЗНА ЗА ЏИНОВСКАТА КРУША од данскиот автор Јакоб Мартин Стрид

 

 

5 септември 2019 

 

Издавачката куќа Антолог од Скопје со големо задоволство соопштува дека во рамките на проектот Читаме заедно! (United we read!) ја објави книгата за деца НЕВЕРОЈАТНАТА ПРИКАЗНА ЗА ЏИНОВСКАТА КРУША од данскиот автор Јакоб Мартин Стрид

 

Животот си тече мирно како река, сè додека Мичо и Себастијан, наместо риба, не уловат порака во шише со своите трски за риболов.

Дали писмото навистина е од Еремија, градоначалникот на Сончев Град, кого никој го нема видено веќе цела година? Постои ли Мистериозниот Остров? Како да се заобиколат пиратите, Страшниот Морски

Змеј и Катран Црното Море? И ништо помалку важно: Што ќе се случи доколку го насадат семето што стигнало заедно со писмото во шише?

Одговорите ќе ги најдете во оваа возбудлива и бајковидна сликовница роман за деца од сите возрасти.

Јакоб Мартин Стрид, авторот и илустратор на оваа сликовница, е роден во 1972 година во Копенхаген, Данска. Станал познат стрип-цртач во дневниот весник „Политикен“. Неговиот бунтовнички, хумористичен и поетски дух продолжил да се развива и во книгите за деца, кои многу бргу ја освоиле детската публика, не само во Данска туку и во целиот свет.

Во 2010 година ја освоил наградата за најдобри илустрации на Министерството за култура на Данска. Во 2012 година ја добил и значајната национална награда „The Crown Prince Couple’s Culture Prize“.

 

Македонското издание на книгата е преведено од Лара Крстева-Ичокаева, графички уредено од Марко Трпески, а финансиски поддржано од програмата Креативна Европа на Европската Унија, Министерството за култура на Република Македонија и Данската уметничка фондација.

 

Trivia

Анимираниот филм со истиот наслов „Неверојатната приказна за џиновската круша“ ја доживеа својата премиера во 2017 година, а во Македонија се прикажуваше во кината на „Синеплекс“.

 

 

 

 

 

 

 

Следете нè на:

Facebook

https://www.facebook.com/antolog

 

Instagram

antolog_mk

 

Youtube
https://www.youtube.com/channel/UCPMeZZYy8_NAAGJ4bUR3OeA

 

 

Контакт Aнтолог
Кристина Велевска

e-mail: kristina@antolog.mk

ул. „Ѓорѓи Пулевски“ 29 лок. 1 Скопје

тел. / факс 3201-007

www.antolog.mk

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram