Софија Стојков, маркетинг

 

 

 

1.

Човекот по име Уве – Фредрик Бакман

Затоа што – Уве тоа сум јас – ред, работа и дисциплина. Болката и тагата ја преточивме во високи емотивни ѕидови и никого не пуштаме внатре. Но што кога најнесоодветните работи (според нашиот намќорест склоп) ќе ни измамат насмевка и ќе ни го стоплат срцето? Заедно со Уве научив дека животот секогаш дава втора шанса, никогаш не е крај на светот, освен кога смртта ќе дојде по своето… Но дали и тогаш?

 

2.

Сафари на духот – Ана Бучевиќ

Гледајќи се во огледало можете да создадете слика за себе, за својот изглед, за своето држење, но гледајќи го своето дете ќе се ВИДИТЕ себеси, онакви какви што СТЕ и какви што ВЕ ГЛЕДААТ ДРУГИТЕ. Како мајка, оваа книга ме просветли во мудроста на воспитувањето на децата. Ова е must have четиво за секој родител!

 

3.

Зулејха ги отвора очите – Гузел Јахина

Колку може една жена да износи на своите плеќи? По оваа книга можам да кажам СЀ МОЖАМ бидејќи ЈАС СУМ ЖЕНА. Оваа книга ми е откритие на годината, ма не, на животот!

 

4.

Во вортексот на остварените желби – Ана Бучевиќ

Идеална книга за изолација. Како да останете на висока вибрација? Како да ги запрете негативните мисли? Како до животот од вашите соништа. Сè е возможно, само треба да веруваш, бидејќи – „шта зрачиш, то привлачиш“.

 

5.

Жолти очи дома водат – Маркета Пилатова

Едно длабоко емотивно патување на четири жени и еден маж на релација Прага–Бразил, две генерации, две култури и две диктатури. Кога сфаќате дека сте живееле посебен сон за истиот маж, кој впрочем не ѝ припаѓал на ниту една од вас.