За практиката на читање електронски книги

  /  #bookworm   /  За практиката на читање електронски книги

За практиката на читање електронски книги

 

 

Пандемијата што го зафати светот минатата година конечно постепено стивнува. Но како и да е, веќе втора година ни го менува секојдневјето, па додека еден дел од нас неминовно даваа отпор против сѐ порестриктивните мерки што нѐ задушуваа и нѐ стегаа, другиот дел постепено ги прифаќаа начините на функционирање на она што го нарекоа „ново нормално“, па почнуваа да прифаќаат нови навики и практики на живеење.

Една од нив е практиката на читање електронски книги. Анкетите во светот покажаа дека во 2020 година како никогаш претходно пораснала побарувачката на е-книги, а особено на електронски читачи.

„Амазон“ речиси ги распродаде своите резерви на „киндл“, својот е-читач. Побарувачката на е-изданија од ден на ден сѐ повеќе расте. Анкетите покажуваат дека читателите што поседуваат е-читачи читаат речиси двапати повеќе книги од другите. А ако се суди според страницата „Е-книги на македонски јазик“ на „Фејсбук“, и читателите кај нас се заинтересирани за електронски изданија.

Сега веќе не важи изговорот дека „не постојат македонски електронски изданија“ и дека македонските книжарници не обрнуваат внимание на барањата на читателите.

„Антолог“ во соработка со „Книготека“, првата македонска дигитална книжарница за продажба на електронски книги, каде што на едно место може да се најдат најновите изданија во форма на е-книги, ги следи овие светски трендови.

За релативно кратко време успеавме да архивираме мошне обемна електронска библиотека, која ги вклучува нашите најнови изданија и најбараните наслови. Нашите популарни наслови што се дел од проектот „BRAVE NEW WOR(L)DS – Храбри нови зборови, прекрасни нови светови“, во соработка со програмата за преводи на ЕУ, речиси истовремено со печатеното издание се достапни и како е-книги преку нашата интернет-страница или преку интернет-страницата на „Книготека“.

Нашата цел е да ја доближиме книгата до секој читател на сите точки на Земјината топка само со еден клик на брз и едноставен начин. Читателите ќе можат да ги купуваат и да ги читаат нашите изданија на своите мобилни уреди секаде низ светот.

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram