Клаудија Пињеиро (1960) е позната аргентинска писателка, новинарка и сценаристка. Бидејќи е економист по образование, десет години работела како сметководител, пред да почне да се занимава со новинарство, пишување романи и телевизиски сценарија. Во 1992 ја добила наградата „Плејаде“ за новинарство. Најпозната е по нејзините бестселери од жанрот крими и мистерија. Пињеиро е третата најпреведувана аргентинска авторка по Борхес и Кортасар. Многу од нејзините дела се адаптирани за филм. Добитничка е на бројни книжевни награди.