Нема производи.

Нема производи.

Услови и правила за користење

  /  Услови и правила за користење

Термини и услови
Оваа интернет-страница, со домен www.antolog.mk, во сопственост на АНТОЛОГ БООКС ДООЕЛ експорт-импорт Скопје, со седиште на ул. „Ѓорѓи Пулевски“ бр. 29 лок. 1, Скопје, е сервис создаден за корисниците со цел да овозможи пребарување, споредба и/или купување производи.
Како посетител и корисник, ви даваме до знаење дека употребата на содржините на страницата, како и направените трансакции, се предмет на одредени услови и правила, поради што ве замолуваме, пред користење на страницата www.antolog.mk, внимателно да ги прочитате.
АНТОЛОГ не презема никаква одговорност доколку корисникот ги нема прочитано условите и правилата за користење и за купување.

Општи услови
Со самата посета или купување преку нашата интернет-страница, се согласувате со условите наведени подолу, чие право на промена, во зависност од условите и од потребите, е задржано без претходно известување на корисниците на страницата. АНТОЛОГ БООКС ДООЕЛ експорт-импорт Скопје не презема одговорност доколку корисникот на сајтот не ги прочитал јавно достапните информации и услови од оваа страница.
Ако не се согласувате со општите услови на оваа страница, едноставно не користете ја и повелете во Книжарниците АНТОЛОГ и секаде каде што ги има нашите производи.

Називот АНТОЛОГ е заштитен трговски знак на АНТОЛОГ БООКС ДООЕЛ експорт-импорт Скопје и забранет е секаков вид на негова употреба без претходна писмена согласност на сопственикот.
АНТОЛОГ БООКС ДООЕЛ експорт-импорт Скопје ги задржува сите права што произлегуваат од трговскиот знак АНТОЛОГ.
Целата содржина на оваа страница, вклучително и формата, изгледот, сликите, информациите, дизајнот и сите достапни податоци, е интелектуална сопственост на АНТОЛОГ БООКС ДООЕЛ експорт-импорт Скопје и е заштитена со авторско право и со сродните права.
Преземањето информации, податоци и слики, нивната дистрибуција, пренос или користење на линкот од оваа страница е забрането. Нивната употреба е можна само за некомерцијални цели и лична употреба и каква било злоупотреба на податоците и на опциите што ги нуди оваа страница е недозволена.
Споделените информации на оваа страница имаат информативен карактер. Секогаш ќе се залагаме за точност на информациите, но можни се отстапувања и пропусти во информирањето, во зависност од изворот на информациите.
За сите производи ќе се потрудиме да имате достапна фотографија, или илустративен приказ на изгледот и на формата на производот.
АНТОЛОГ го задржува правото да објавува називи, модели и други информации за производот на англиски јазик кога:
– постои ризик од губење на битни информации при преводот;
– нема иста или слична терминологија на македонски јазик.

За да ги задоволи вашите потреби и барања, АНТОЛОГ ќе се залага за достапност на својата интернет-страница 24 часа во денот.
Во случај на привремена недостапност, односно прекин на пристапот до интернет-страницата, поради технички или надворешни влијанија надвор од контролата на АНТОЛОГ, не можеме да преземеме никаква одговорност и да ви гарантираме постојан пристап.

Услови и правила за купување
Цените на сите производи на www.antolog.mk се изразени во денари со вклучен ДДВ.

АНТОЛОГ го задржува правото за промена на цените во согласност со политиката на компанијата, без известување до корисниците. Корекција на цената нема да биде извршена ако нарачката е прифатена. Купувачот се обврзува да ја плати цената што е понудена во моментот на извршување на нарачката, без оглед на фактот што цената може да биде променета во меѓувреме.

За купување производи преку www.antolog.mk важат цените наведени на страницата.
Сите други попусти, промоции и специјални промотивни пакет-производи важат исклучиво за купување извршено во Книжарници АНТОЛОГ.
Количините на производите се ограничени. Во согласност со тоа, одредена нарачка може да биде откажана поради исцрпување на залихите.

Купувачот може да избере еден или повеќе производи, како и пакет на производи од понудата на АНТОЛОГ.
Купувачот може да ја откаже, да ја дополни или да ја коригира нарачката во кое било време пред да го реализира плаќањето.
Регистрирањето Мој профил не е задолжително за да се реализира нарачката, но при нарачката задолжителни се податоците за контакт (име и презиме, адреса, држава, поштенски код, телефонски број и имејл), како и адресата за испорака. Висината на поштарината зависи од државата на адресата за испорака. За домашни пратки поштарината е 150 денари а за странски 800 денари, за пратки до пет килограми.
По завршувањето на нарачката, ќе ви биде испратена електронска порака на имејлот што го имате наведено. При евентуални технички проблеми со интернет-страницата, АНТОЛОГ има право да ја одбие нарачката или да го прекине процесот на купување и не сме обврзани да извршиме никакво обесштетување, освен враќање на уплатените средства од страна на купувачот.

Купувањето можете да го остварите со следните платежни картички, издадени од која било банка: Visa, Visa Electron, MasterCard, Maestro и American Express (само доколку има CVV2/CVC код на задната страна на картичката), а наплатата се извршува преку нашиот партнер НЛБ Тутунска банка.

Поддршка на корисници
За какви било информации и прашања во врска со реализацијата на интернет-продажбата, може да се јавите на телефонот 02/3201-007, кој е достапен во периодот од 9 до 17 часот (од понеделник-петок), или да исконтактирате со нас преку нашата електронска адреса poddrska@antolog.mk.

Политика на испорака на производите
Купувањето преку нашата интернет-страница може да го реализирате од кој било дел на светот.
Сите производи ќе ви бидат доставени на адресата за испорака, која задолжително треба да ја доставите при креирање на нарачката.
Може да ги изненадите и своите блиски и да побарате достава на нивната адреса, притоа наведувајќи ја нивната адреса како адреса за испорака.

Периодот за испорака е во зависност од локацијата за испорака. Испораката ја врши надворешна фирма, затоа предвидено време за испорака не можеме директно да го одредиме. За пратки во Република Северна Македонија испораката е од 48 до 72 часа од моментот на потврдената нарачка. Во согласност со нашите можности, производот ќе ви биде доставен во најкус можен рок. АНТОЛОГ го задржува правото да го продолжи рокот на испорака во претходен договор со купувачот.
Испораката се врши преку Карго експрес Битола, Македонски пошти или преку други надворешни соработници.
Испорака во сабота по 15 часот, во недела и на државни празници не се врши.

Доколку нарачката е направена по 17 часот, од наша страна ќе биде проверена наредниот работен ден и, откако ќе се добие потврда за успешната трансакција, започнува да тече периодот за испорака.

Доколку нарачката е направена во петок по 16 часот, во сабота, во недела или на неработен ден, оваа процедура започнува од првиот нареден работен ден. Во рокот на испорака не се пресметуваат викендите и неработните денови.

Испораката на производот се врши на наведената адреса за испорака од страна на купувачот.
Секој купувач е должен при преземање на производот да го провери од евентуални оштетувања, а доколку се работи за повеќе производи, да провери дали некој производ недостига.
Доколку производот е испорачан оштетен или доколку недостига одреден производ од нарачката, купувачот треба да нè информира веднаш за да преземеме мерки за отстранување на ненамерната грешка. Во овој случај, трошоците за замена на производот нема да бидат на товар на купувачот.

Во случај купувачот да сака да го врати производот, не по наша вина или по вина на доставувачот, и да сака да му се врати уплатената сума на производот, тогаш од крајниот износ ќе биде одбиен трошокот за транспорт.

Доколку купувачот сака да го замени производот, должен е да го чува неоштетен, неотпакуван и неупотребуван заедно со сите приложени документи.
Доколку има доцнење на испораката од страна на компанијата што е ангажирана за извршување на испораката, АНТОЛОГ не може да преземе никаква одговорност.

Испорака на производи вршиме само со нарачка преку сајтот. Не вршиме испорака со плаќање на производите на врата.

Прием на производите
Производите се доставуваат лично до адресата или до поштенското сандаче на адресата оставена за испорака.
Производите се спакувани во соодветна форма, како заштита од евентуални оштетувања, и се осигурени од губење или од оштетување за време на транспортот.
Во моментот на прием на производите, должни сте да ги прегледате и веднаш да приговорите за евентуалните надворешни оштетувања.
Евентуалниот приговор треба да биде упатен на телефонскиот број за поддршка на корисници и кај лицето што ја врши испораката, во спротивно сите подоцнежни рекламации во однос на надворешни оштетувања на производите нема да бидат прифатени.

Враќање и замена на производите
Купувачот има право да врати купен производ во период од 15 дена од датумот на испорака, под услов производот што се враќа да е во истата физичка состојба во која е испорачан, неотпакуван и неупотребуван, со сите етикети и ознаки што ги имал при приемот.
Средствата ќе ви бидат вратени на истата банкарска сметка што сте ја користеле при плаќање на производот.
Замена на производот се врши ако се сочувани изгледот на производот, како и фискалната сметка или фактурата-испратница што му биле издадени на потрошувачот заедно со производот.
Ако во моментот на поднесувањето на барањето од потрошувачот трговецот го нема соодветниот производ, потрошувачот има право по свој избор да бара да го раскине договорот и да бара враќање на платениот паричен износ.

КУПУВАЧОТ Е ЗАПОЗНАЕН И СОГЛАСЕН СО УСЛОВИТЕ И СО ПРАВИЛАТА ЗА КОРИСТЕЊЕ НА ИНТЕРНЕТ-СТРАНИЦАТА НА АНТОЛОГ И СЕ ОБВРЗУВА ДА ГИ ПОЧИТУВА ВО ЦЕЛОСТ.

 

Последна промена: јуни 2020 година.

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram