Прв фестивал на европската литература – BookStar
BookStar е првиот фестивал на европската литература во нашата држава.
Како интернационална книжевна манифестација од годишен карактер, опфаќа промоции, презентации, дебати, работилници, поткасти, интервјуа, средба со уметници, предавања, и саем на европската литература.
Првото издание беше организирано во октомври 2015 година во Скопје, a oд следната година почна да се доделува награда за најзначајна книга објавена помеѓу две изданија на фестивалот, што се состои од плакета и статуетка BookStar.
Со текот на годините, BookStar израсна во водечки книжевен настан од областа на фикцијата во главниот град на државата.
BookStar е фестивал на книжевните ѕвезди, односно на сите европски писатели чиј глас и став има што да ни пренесе за литературата и надвор од неа.
Заклучно со 2022 година во Скопје гостуваа четириесеттина писатели од речиси сите европски земји: Австрија, Бугарија, Белгија, Белорусија, Германија, Данска, Исланд, Италија, Литванија, Косово, Полска, Романија, Русија, Словачка, Словенија, Србија, Турција, Холандија, Хрватска, Чешка, Црна Гора, Шведска. Во 2020 година гостувањата беа онлајн поради пандемијата со КОВИД-19.
Секоја година во програмата се застапени и домашните писатели.
Последна промена: 23 февруари 2023 година.
