Книжарницата на тркала (Books on wheels) е сосема нов и иновативен концепт, кој ги подигна на друго ниво достапноста на книгите и културата на купување книги.
Новата, подвижна книжарница на „Антолог“ официјално почна со работа на 17 март 2021 година на Плоштадот Македонија во Скопје, а оттогаш ја менува и ќе ја менува својата локација низ целата држава, доближувајќи ги сите најактуелни наслови и автори дури и на најнеочекуваните места.
Одамна размислувавме за можноста што повеќе да ги доближиме книгите до нашите читатели што секојдневно нè следат и нè поддржуваат, особено во оние места каде што за жал бројот на книжарниците и достапноста на книгите се на многу ниско ниво. Оваа нова и иновативна книжарница на тркала е следната приказна што ја испишуваме и на која сме особено горди. Атрактивната книжарница веќе патува низ целата земја за да биде што поблиску до книгољупците, задржувајќи го сепак оригиналниот уметнички концепт по кој како бренд сме препознатливи. Покрај богатиот асортиман на домашна и преводна литература за сите возрасти, идејата е и да прерасне во атракција што ќе обединува книжевни настани, промоции, средби и гостувања на автори.
Бидејќи во животот секој ред е важен – со храбри нови зборови, да создаваме прекрасни нови светови!
Патувањата на Зборче
2021
Скопје – Градски плоштад, Скопје – Градски парк, Куманово, Велес, Штип, Кавадарци, Гостивар, Тетово, Кочани, Македонска Каменица, Делчево, Прилеп, Ресен, Битола, Радовиш, Свети Николе, Демир Хисар, Струмица, Крива Паланка, Пробиштип.
2022
Кочани, Куманово, Велес, Неготино, Кичево, Струга, Гевгелија, Штип, Кавадарци, Битола, Прилеп, Крушево, Ресен, Свети Николе, Пробиштип, Скопје – Градски плоштад
2023
Куманово, Тетово, Свети Николе, Прилеп, Битола, Гостивар, Кичево, Неготино, Кавадарци, Прилеп, Пробиштип, Штип, Гевгелија
2024
Велес, Битола, Прилеп, Охрид, Струга, Струмица, Куманово, Тетово, Кавадарци, Свети Николе, Виница, Кочани, Кратово, Крива Паланка
Во најава за 2024:
Валандово, Богданци, Дојран, Гевгелија, Демир Капија
Зборче сака да ги запознае (чека да го поканите 🙂
Дебар, Македонски Брод, Пехчево, Берово.
Ваши предлози
Каде сакате да го видите Зборче?
Нашиот пријател Зборче и книжарницата на тркала редовно ги менуваат локациите и ги исполнуваат вашите желби.
Каде следно сакате да го видите Зборче? Би го поканиле ли во своето место на живеење? Имате ли идеја за настани и манифестации на кои би сакале да земеме учество? Ваши сугестии како да се подобриме? Нова приказна што сакате да ја испишете заедно со нас и нашата патувачка книжарница?
Вашите предлози пишете ни ги на zborche@antolog.mk.
