Нема производи.

Нема производи.

Се грижиме за планетата

  /  Се грижиме за планетата

„СЕ ГРИЖИМЕ ЗА ПЛАНЕТАТА“ –

АГЕНДА ЗА ОДГОВОРНО ОДНЕСУВАЊЕ КОН ПРИРОДАТА И ЗАЕДНИЦАТА

 

Ние во „Антолог“ сме сериозно свесни за суровите предизвици пред кои се исправени планетата и човештвото.

Незамисливо количество на отпад секојдневно ги труе воздухот, почвата и водните површини. Местата во кои живееме, но и нивните најблиски околини, имаат сè помалку дрвја, а сè повеќе докази за нашето неразумно дивеење. Располагањето со природните ресурси е неодговорно, дури и расипничко. Со светлосна брзина го трошиме сето она што му требало години и векови за да се создаде во сигурната прегратка на природните процеси. Многу животински и растителни видови се пред истребување или може да ги видиме само во музеите и енциклопедиите. Климатските промени се реалност како и озонските дупки или киселите дождови. Околу нас многу – пластика, електронски отпад, тешки метали, токсични и нуклеарни закани; неодговорни фабрички погони и поединци. На планетата ѝ се заканува претворање во црна дамка во универзумот. Сето тоа е надополнето со кревок јавен здравствен систем, економска нестабилност, висока невработеност и социјална несигурност.

Одговорноста да се грижиме за она што е најважно – природата но и нашите сожители е повеќе од потреба. Тоа е нужност што не смее да се одложува.

 

Од црна – планета во сина и зелена боја

Затоа, од 1 мај 2022 година, „Антолог“ ја лансира „Се грижиме за планетата“, агенда за одговорно однесување кон природата и заедницата.

Овој збир на принципи опфаќаат конкретни мерки и активности за еколошко, одржливо, етичко и социјално одговорно однесување.

Чекорите што ги преземаме во овој стадиум се:

  • ги печатиме книгите на рециклирана хартија или на хартија со контролирани FSC сертификати,
  • рециклираме (хартија, стакло, пластика, производи од метал),
  • се бориме за секое дрво (намалуваме печатење на документи и материјали, дигитализираме, активно пошумуваме, произведуваме книги и амбалажа од FSC хартија и картон),
  • штедиме електрична енергија и ресурси,
  • објавуваме инклузивни книги кои ги претставуваат и опфаќаат сите луѓе на планетата, без разлика на полот, националната и верската припадност, брачниот статус и родителството, возраста, способностите и попреченостите, без разлика на расата, културата и супкултурата, изгледот, маргиналноста и припадноста,
  • не користиме детска работна рака,
  • внимателно ги бираме нашите соработници кои исто така се однесуваат одговорно кон природата и заедницата.

Почетната замисла е чекор по чекор да го намалиме влијанието врз природата, а крајната цел е да се доближиме кон прва климатски неутрална издавачка куќа во Македонија.

Сметаме дека ова е пат кој не е лесен во контекст на нашата земја, но е пример што треба сите да го следиме веќе од вчера!

Скопје, 1.5.2022 година

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram