Основни приоритети во работата на Антолог се префинетиот квалитет на сѐ што правиме и високите стандарди во пристапот кон клиентите.
Слоганот под кои функционираме е Зависни од книги, бидејќи откако паметиме за себе сме во нераскинлива врска со литературата, како наша постојана инспирација и животна преокупација. Книгите се исклучителен свет, а читањето е единствена зависност што нема своја штетна страна.
На нашата дејност не гледаме како на продукција на книги, туку како на креирање и уживање во нови, бескрајни светови. Затоа, нашата редакција e книжевен центар а не само издавачка куќа.
Во просторите во кои клиентите можат да ги набават изданијата на Антолог – нашaтa книжарницa и електронската книжарница www.antolog.mk – оставаме и личен печат, дел од себе, затоа ги краси префинетоста, елеганцијата, vintage стилот, непосредноста и пријатната атмосфера.
Иако наша најтесна специјалност е објавувањето белетристика, во превод од што поголем број јазици, подеднаков интерес ни се и нефикцијата, книгите за деца и млади, популарната психологија, и литературата од македонски автори. Во годините пред нас најголем предизвик ќе ни бидат токму магичните дела создадени за најмладите читатели и нивна соодветна презентација во одделот Антолог Kids.
Портокаловата боја го одразува нашиот модерен пристап и младешка енергија што ја носиме во себе и со која пристапуваме на секое издание.
Зависни од книгите, но и посветени на вниманието и задоволството на нашите читатели.
Сите заедно стануваме дел од семејството „Антолог“!
Сега знаете каде е Дома кога помислувате на книги…
![Logo crno KC](https://antolog.mk/wp-content/uploads/2020/05/Logo-crno-KC-1-240x300.jpg)
![Antolog Fair_Page_3](https://antolog.mk/wp-content/uploads/2020/05/Antolog-Fair_Page_3-300x45.jpg)
![1) svetlechka reklama JBT_pomalo](https://antolog.mk/wp-content/uploads/2020/05/1-svetlechka-reklama-JBT_pomalo-300x61.jpg)
![WWW antolog](https://antolog.mk/wp-content/uploads/2020/05/WWW-antolog-300x75.jpg)
![knizarnica_na_trkala_ispis](https://antolog.mk/wp-content/uploads/2021/03/knizarnica_na_trkala_ispis-300x300.jpg)
![Logo crno Kids portokalovo](https://antolog.mk/wp-content/uploads/2020/05/Logo-crno-Kids-portokalovo-1-223x300.jpg)