Шоле Резазаде (1989) е иранско-холандска авторка која твори на холандски и на персиски јазик. Во 2015 се сели од Иран во Холандија каде што почнува да пишува проза и поезија. Три години по нејзината преселба почнува да го пишува својот прв роман „Небото е секогаш виолетово“ за кој ја добива наградата за дебитантско дело од Друштвото на писатели во Холандија (2022). Вториот роман „Знам планина што ме чека“ е издаден во 2023 и добил специјално признание од Наградата за литература на Европската Унија (2024). Пишува колумни за еден холандски дневен весник.