„Репер“ e прв македонски специјализиран месечник за култура, односно креација и рекреација, oснован во март 2008 година од страна на група македонски писатели и уметници. Замислен како платформа за вмрежување на уметниците од сите области во Македонија и создавање поподобни услови за нивна натамошна комуникација и настап, како во државата така и надвор од неа, првиот специјализиран македонски електронски магазин за креација и рекреација тежнее да биде медиумски простор, каде што на едно (виртуелно) место се обединуваат креативните луѓе од Македонија.

Цели:

– да даде свој придонес во поткрепување (идна) активна критичарско-теоретска платформа;

– обилно да ја дисперзира и поддржи убавата уметност, како во широкиот јавен простор, така и во општествените шуплини/пори;

– да создаде медиум со независно и плурално рацио и гранитно етичко кредо;

– да создаде критички простор кој ќе зрачи/емитира релевантност и ќе биде од суштинско значење за сите чинители на творечкиот процес (автори, дела, критичари, публика);

– преку текстовите за текстовите на уметностите, да го поттикне и суптилизира интересот и вниманитето за запоставените области (кабаре, современа градска архитектура, опера и балет, документарен филм, авангардна и андерграунд…);

– да покаже дека македонското општество е разнолико и потентно и не може да се сведе на избројани обрасци;

– да ги регрутира младите креативци во open source презентација на својот интелектуален кредибилитет.

Вкупно броеви: 130.

Досегашни статии: над 2 500.

Списанието моментално излегува месечно, исклучиво во електронска форма.

Достапно на следниот линк: www.reper.net.mk

ISSN 1857-5900

Последна промена: јуни 2020 година.