Галерија – Промоција на романот „Тишина е потребна“ на Иво Митев Жиле

7 ноември, 2026

Вчера (06.11) во холот на ООУ „Ѓорѓија Пулевски“ во скопската населба Аеродром се одржа промоцијата на петтата книга на писателот Иво Митев – Жиле, насловена „Тишина е потребна“.

Романот кој е во издание на „Антолог“ претставува автентично сведоштво за настан што денес има култен статус меѓу љубителите на спортот – натпреварот меѓу кошаркарскиот клуб МЗТ Скопје и Реал Мадрид, одигран во Скопје на 6 ноември 1996 година, кога плаво-белите го симнаа на колена кралскиот клуб.

Романот е инспириран од оваа легендарна средба, но прераснува во многу повеќе од спортска приказна. Испреплетувајќи мемоари и фикција, авторот создава топол и емотивен роман за идентитетот, припадноста и силата на спомените.

Промотор на книгата беше новинарот Иле Петревски. Погледнете низ фотографиите на фотографката Маја Аргакиева како изгледаше атмосферата на промоцијата.

ФОТО: Маја Аргакиева