Јонаш Зборжил (1988) е чешки поет и радионовинар, а со дистопискиот роман „Флора“ (2024) се пројавува и како прозаист. Работел како уредник и водител во неколку радиостаници.
Првата збирка поезија „Подоли“ што ја објавил во 2013 г. била номинирана за наградата „Јиржи Ортен“ и за наградата „Магнезија Литера“ за откритие на годината. Во 2020 г. ја објавил втората стихозбирка под наслов „Нова дивина“.
Доминантен мотив во книжевните потраги на Зборжил е релацијата хуманизам-дивина-технологија. Се занимава и со музика.