Д-р Марија Андреева е родена на 29.4.1989 година во Скопје. По завршување на средното образование, се запишува на политички науки на Правен факултет „Јустинијан I“ во Скопје. По дипломирањето продолжува на постдипломски студии на политички менаџмент, а во 2013 година ги заокружува постдипломските студии со одбрана на магистерската теза „Изборен инженеринг во Република Македонија: (не)научени лекции“. Во 2021 година се стекнува со звањето доктор на политички науки со одбрана на нејзината докторска дисертација „Влијанието на политичкиот дијалог врз политичката култура: Студија на македонскиот случај“. Потесна специјалност и интерес ѝ се политичката култура, политичкиот дијалог, заштита на човековите права и борба против говор на омраза и дискриминација.

Авторка е на неколку публикации: „Политичка апатија на Балканот: поволност или опасност за демократските процеси?“ (Зборник „д-р Зоран Ѓинѓиќ”, 2012), „Влијанието на говорот на омраза врз кршењето на човековите права“ (Списание на научни трудови „Меѓународен дијалог: Исток – Запад“ (Право и политикологија), година VI, бр.2, 2019) и „(Пре)Обликување на политичката култура и учество преку социјалните мрежи“ (оригинален наслов: (Re)Shaping Political Culture and Participation Through Social Networks, Journal of Liberty and International Affairs, Vol. 5, No.2, 2019).

Од 2011 до 2019 година била дел од Институтот за економски стратегии и меѓународни односи ОХРИД и работела на програмата „Политички дијалог помеѓу младите политичари“, а од 2019 година е проектна раководителка при Програмската канцеларија на Советот на Европа во Скопје и фокусот на нејзиното делување се активности за борба против говор на омраза и дискриминација.