Саша Бронвасер (1968) е холандска писателка, историчарка на уметноста и кураторка. Со децении работела како ликовна критичарка, истовремено и како кураторка на изложби, пишувајќи и говорејќи за современата уметност на радио, телевизија и на сцена. Нејзиното искуство во уметноста силно влијае врз книжевниот стил кој често комбинира визуелна прецизност со психолошка длабочина.
Во 2019 г. ја издава својата дебитантска прозна книга, по која следува бестселерот „Слушај“ (2023), кој бил номиниран за повеќе литературни награди, преведен на неколу јазици и во моментов се подготвува филмска адаптација. Бронвасер живее на холандското крајбрежје.