Алвин Панг (роден 1972 во Сингапур) е поет, писател, уредник и преведувач. Вклучен е во Оксфордската збирка на модерна поезија на англиски (второ издание, 2013) и редовно се појавува на поголеми фестивали и во публикации насекаде во светот. Неговите дела се преведени на преку петнаесет јазици, меѓу кои и на шведски, на хрватски и на словенечки. Панг го претставуваше Сингапур на „Поетскиот Парнас“ како дел од Олимписките игри во Лондон во 2012 година. Бил учесник на Меѓународната програма за пишување на Универзитетот во Ајова во 2002 година и член е на бордот на Меѓународните поетски студии во Канбера. Тој го води и Литературниот центар во Сингапур, непрофитна интеркултурна иницијатива. Именуван е за Млад уметник на Сингапур за литература во 2005 година и го има добиено признанието „Младинска награда на Сингапур“ за уметност и за култура во 2007 година.

Официјален сајт: http://www.alvinpang.com/