Боби Додевски е роден на 6 август 1981 година во Куманово. Основното образование го завршил во ООУ „11 Октомври“, а средното во СОЕУ „Перо Наков“. Од 2001 година е вработен во Министерството за внатрешни работи, каде што и денес со посветеност и професионалност ја извршува својата работа. Во текот на службената кариера е добитник на повеќе признанија и награди за својата ангажираност.

Покрај професионалниот живот, отсекогаш негувал голема љубов кон пишаниот збор, музиката и творештвото. Со свои текстови учествувал на повеќе детски фестивали, за што добил бројни награди и признанија. Верува дека секој убав збор има моќ да инспирира, охрабри и да остави трага во срцата на најмладите.

„Радосница за деца“ е негово прво книжевно дело – исполнето со љубов, фантазија и желба да им подари на децата свет во кој добрината, другарството и соништата секогаш победуваат. Со ова првенче, Боби Додевски го остварува долгогодишниот сон да стане дел од книжевен свет за деца и да создаде приказни што ќе се паметат и ќе се раскажуваат со насмевка.