Лидија Аризанковска е преведувач и универзитетски професор. Родена е во Скопје, на 28 октомври 1966 година. Дипломирала на Филолошкиот факултет „Блаже Конески“ на Универзитетот „Св. Кирил и Методиј“ во Скопје, каде ги брани и магистреската и докторската теза. Редовен професор е на истиот факултет. Подрачје на научно-истражувачка работа ѝ се македонскиот и словенечкиот јазик. Учествувала на повеќе семинари и конгреси, дома и во странство. Автор е на голем број научни трудови и книжевни преводи.