Ненад Трповски дипломирал на Филолошкиот факултет „Блаже Конески“ во Скопје, на катедрите за италијански и португалски јазик и книжевност во 2009 година. Во периодот помеѓу 2011 и 2013 година живеел и работел во Лисабон, Португалија. Како стипендист на португалскиот институт „Камоиш“ завршил и напреден степен по португалски јазик и книжевност на Универзитетот во Лисабон. Постдипломски студии завршил на Универзитетот Сасекс во Обединетото Кралство и е магистер по политики за енергетика и климатски промени. Од 2012 година работи на проекти за меѓународен развој и соработка во граѓански, консултантски и меѓународни организации. За „Антолог“ ги превел книгите „Книга“ од Жозе Луиш Пејшото,  „Сочувство“ од Дулсе Марија Кардозо, „Девет ноќи“ од Бернардо Карваљо, „Просечен индекс на среќата“ од Давид Машадо и „Сенки“ од Томазо Ландолфи.