Роберт Луис Стивенсон (1850 – 1894) е шкотски романописец, есеист, поет и патописец. Книжевната вредност на делата на Стивенсон, кој и во текот на својот живот бил прочуена и славна личност, по неговата смрт значително варира, но денес неговите книги се општо познати и признати. Како еден од показателите за неговата безвременска и универзална авторска вредност е тоа што во 2018 година е рангиран веднаш зад Чарлс Дикенс како 26-ти најпреведуван автор во светот.