Викторија Кафеџиска е родена во Скопје, каде што ги завршува сите степени на образованието. Работела во Радио-телевизија Скопје, подоцна МРТВ, како новинар во информативната, а потоа и во образовната програма. Автор е на голем број интервјуа, репортажи и педесетина емисии од циклусот македонски траги. По речиси 23 години поминати во МТВ, ја започнува академската кариера, најпрвин како асистент на Универзитетот на Југоисточна Европа, потоа како доцент и професор на Европскиот универзитет. Денес предава на Факултетот за комуникации при Меѓународниот балкански универзитет. Во фокусот на академскиот интерес ѝ се процесите за креирање на јавното мислење, односите со јавноста, како и менаџирањето на комуникациските процеси и деловното комуницирање.