Благоја Стојков е роден на 2 декември 2003 година во Кочани. Живее на релација Зрновци – Скопје. Студент е во Скопје. Автор е на три книги – „Гонејќи дух“, „Двете ѕвезди“ и „Пеколен меден месец“. Своето слободно време го исполнува со: уметност, книжевност, филм, музика, филозофија, психологија, патувања. Како што и самиот вели: „Го сакам светот, ги сакам луѓето и се надевам дека ако ништо друго, мојата книга некому ќе му го разубави животот, барем за малку. Целта на вистинскиот уметник со создавањето уметност не е да се збогати, да стане славен, да запознае романтични партнери, да си купи нов спортски автомобил или луксузна вила со базен. Целта на вистинскиот уметник е со својата уметност да разбуди некои заборавени чувства во оној којшто ќе ја доживее таа уметност и колку – толку, да му го разубави животот.“