Идеални наслови за секое расположение

 

 

Во време на претпразнични подготовки и долги студнеи ноќи, секога изгледа дека списокот на книги е недоволен или недовоно инспиративен… Кога надоаѓаат моментите во кои треба да се подари книга, да се разменат читателски приказни и да се исполни темнинтата со урнебесна приказна, се чини како да го губиме секој мотив за читање, иако читањето е токму тоа што ни треба!

 

За да нема забуни од тој карактер и да може сите да ги исполниме претпразничните активности, но и студени ноќи со добри книги, Антолог ви нуди три нови наслови! И тоа, ова не се било кои три наслови,, туку буквално имаме по нешто за секој. Можеби дури, доколку сте експериментално насочени и сите три книги да бидат токму за вас! Прочитајте во продолжение за што станува збор.

 

Темни, студени ноќи, кои самите по себе предизвикуваат возбуда – дури и кога сте свиени покрај книга со топол напиток…

 

„Длабоко во ноќта“ – Рајли Сегјер 

 

  „Третиот пат беше кога сѐ тргна наопаку.

  Технички гледано, Џојс за својата работа одговараше пред Марџи, која натаму одговараше пред нејзиниот шеф, кој натаму го известуваше г. Хоторн. Кога Џојс забележа нешто чудно, знаеше дека не треба да прашува. Тоа беше првото кое и го кажа Марџи на почетокот: Не поставувај прашања. Само остани со наведната глава, работи што треба да се сработи, игноирај го останатото. Сепак, Џојс не можеше да ја совлада љубопитноста околу чудните симболи на тетоважите од еден посетител кого и рекоа да го послужи со кафе. Или околу чудната музика што понекогаш ја слушаше да доаѓа од кат. Или она кога цело попладне пречукуваше транскрипти од Роршахови тестови изведувани со слепи лица.“

–

Најлошото што некогаш се случило во населбата Хемлок Сиркл се случило во задниот двор на Итан Марш.

 

Една јулска ноќ, дестегодишниот Итан и неговиот најдобар другар Били заспиваат во шаторот на уредниот тревник од семејната куќа на Маршови во една тивка, живописна населба во Њу Џерси. Следното утро Итан се буди сам. Во текот на ноќта некој со нож го расекол шаторското крило и го грабнал Били – кој потоа никогаш не е пронајден.

Триесет години подоцна, Итан неволно се враќа во својот дом од детството. Измачуван од кошмари, почнува да забележува чудни нешта што се случуваат во соседството длабоко во ноќта. Како некој да талка низ уличката, а во задниот двор почнуваат да се јавуваат знаци на присуството на Били. Му прави ли некој несовесни шеги? Или, пак, тој навистина се вратил во Хемлок Сиркл?
Таинствените појави го наведуваат Итан да почне да истражува што всушност се случило, потрага која повторно го спојува со дамнешните другари и соседи и потрага која го води во шумата околу населбата.
Колку повеќе Итан се доближува до вистината, толку повеќе сфаќа дека ниедно место, ниту во тивката шума, ниту на мирната улица, не е сосема безбедно – и дека минатото има свои начини на кои секогаш ќе ја прогонува сегашноста.

 

Вознесеноста на една одлична љубовна приказна за која зборува и реалниот, но и онлајн светот!

 

„Нештата што не ги преболевме“ – Луси Скор

 

  „Таа е родена подготвена да се грижи за други. Секогаш води сметка за сите. Не ме чуди што одлучила да ја преземе грижата за Вејлеј и покрај тоа што остатокот од нејзнотот семејство е целосно надвор од контрола. Таа само дава, сѐ додека за неа не остане ништо.

  Тоа не беше новост за мене. Ако не им носеше пијалак на клиентите, извршуваше туѓа работа во кујната оли го чистеше мавзолејот од куќата на Лајза. 

  Ти и донесе шолја кафе токму така како што сака да го пие, продолжи И ми рече дека си и го обезбедил овој стан и работата. Ја возиш дома. Стеф рече дека си и купил мобилен телефон кога го немала.

  Почнав да се врткам. Немав трпение за разговори чија насока не можев да ја предвидам.

  Таа е од тие што се грижат за други, но не сака некој да се грижи за неа, продолжи Аманда.

  Тоа го знам,

  Фактот што ти сисе грижел за неа и си внимавал на неа иако штотуку си ја запознал, многу кажува за твојот карактер.“

–

Брадестиот убавец и зафркнат ерген-фризер сака само тишина. А добива… невеста во бегство и едно премудро девојче.

Нокс Морган преферира да го живее животот како што го пие кафето: сам. Добро, во друштво и на неговото верно куче од расата басет што се одѕива на името Вејлон. Драма? Не е негов стил – особено не кога доаѓа во форма на невеста бегалка, заглавена во неговото мало, бурно гратче.

Наоми не избегала само од олтарот. Таа тргнала кон Нокмаут, Вирџинија, за да ја спаси својата забегана сестра близначка. Но градот е сè освен гостопримлив – а нејзината сестра не само што не се сменила туку и ѝ го краде автомобилот, парите… и ѝ остава внука за која Наоми немала поим дека постои. Сега, таа е без ништо – освен одговорноста за едно единаесетгодишно девојче што се однесува како возрасна личност. Без план. Без дом. Без излез…

Нокс знае да се држи подалеку од комплицирани жени и срцепарателни ситуации. Но откако животот на Наоми се распаѓа пред неговите очи, чувствува дека мора да ѝ помогне. Додека повторно не дојде до мир и самотија. Но неволјите на Наоми брзо се претвораат во вистинска опасност.

А кога срцето ќе почне да зборува погласно од разумот, тешко е да останеш сам…

Деновите низ годината се менуваат со различните годишни времиња, а секое од нив носи нови лекции, доживувања и другарства за двете мали кртчиња.

 

„Кој ќе го направи снегот?“ – Марјана Порасхо, Тарас Порасхо

 

„Кога кртчињата стануваат нешто поголеми и си споменуваат на детството, најтешко можат да поверуваат дека можеле да се сместат во џебот на таткото. И не само што си се сместуваа туку таму си се чувствуваа како во удеобна пештера. Си имаа таму ќебенца, шишенца со сок, вреќиче со суво овошје, омилени сликовници и уште многу интересни нешта.“ 

–

Двете новородени кртчиња учат како да го напуштат својот дом и да го доживеат безграничниот, непредвидлив свет околу нив во оваа приказна за пријателството и меѓусебната помош, за грижата и домашната удобност.

Близнаците Полже и Мурка се родени на првиот ден од пролетта. Како најнови членови на семејството кртови, тие се љубопитни за сè. Што е пливање? Зошто мајката зборува француски додека прави палачинки? Што пишува таткото во својот нотес? Дали животни живеат и во морето? Зошто возрасните јадат сирење што мириса? Како оздравуваме кога сме болни? Што се случува со животните после животот?

Како што растат, секој ден е исполнет со нова авантура додека ги истражуваат необичните ликови од Буковата шума. Домот секогаш е тука, исполнет со звукот од печатарската машина на таткото, со звуците од контрабасот на мајката и со мирисите на слатко од дуња и лековитите чаеви од мов. Секоја нова средба ги прави Полже и Мурка поборбени и поумни и со повеќе нови пријатели.

„Кој ќе го направи снегот?“ на прекрасен начин нè потсетува дека светот е секогаш поголем и поубав отколку што можеме да го видиме од нашиот сопствен агол.