Агрон Усеини е роден во Скопје, во 1988 година. Студирал на Правниот факултет на „Универзитетот на Југоисточна Европа“, а по завршувањето на студиите, својата кариера ја пренасочил во светот на маркетингот, во кој почнувајќи од 2014-та година се вбројува меѓу основачите на агенцијата за маркетинг „Пејџленд“ (Pageland).

Уште многу млад ја има откриено својата желба за творење, која за првпат почнува со реализација во 2021-ва година со издавање на две книги од серијалот „Овириум“, во кој има развиено широк наративен универзум во областа на научнофантастични романи.

Со своето творештво гради книжевен свет во кој мистеријата, психолошката тензија и скриените слоеви на човечката природа се во центарот на нарацијата.