„Радосница за деца“ – нова книга со песни за најмладите читатели од Боби Додевски
14 август 2026
Издавачката куќа Антолог од Скопје со големо задоволство ја испраќа оваа
ПОКАНА ДО МЕДИУМИТЕ
„Радосница за деца“ – нова книга со песни за најмладите читатели од Боби Додевски
На 15 август (сабота), со почеток во 19.30 часот, на Школка во Градскиот парк во Скопје, ќе се одржи промоцијата на новата книга „Радосница за деца“ од авторот Боби Додевски, со илустрации на Мила Доневска.
„Радосница за деца“ е збирка искрени, духовити, поучни и разиграни стихотворби, наменети за децата, но и за родителите кои сакаат преку книгата да создадат заеднички моменти, да читаат, да се смеат и да го откриваат светот заедно.
Во поговорот кон книгата, Игор Џамбазов пишува дека стиховите на Додевски се создадени од „едно големо дете“ кое како да знае што точно сакаат најмладите – „како потполно да влегол во нивниот свет, или, пак, никогаш не излегол од него“.
Ова нема да биде обична книжевна промоција – најмладите посетители ги очекуваат маскоти, аниматори и музика, во весела атмосфера создадена токму за нив.
Боби Додевски е роден во 1981 година во Куманово. Од 2001 година работи во Министерството за внатрешни работи, каде што за својата професионална ангажираност има добиено повеќе признанија и награди. Паралелно со професионалниот живот, со години ја негува љубовта кон пишаниот збор, музиката и творештвото, а со свои текстови учествувал на повеќе детски фестивали, каде што освоил бројни награди и признанија. „Радосница за деца“ е негово прво книжевно дело – збирка исполнета со фантазија, хумор и топлина, во која добрината, другарството и детските соништа се во центарот на вниманието.
Ве покануваме да ни се придружите на оваа разиграна книжевна вечер за деца и родители, исполнета со стихови, музика, дружење и многу радост.
15 август (сабота) | 19.30 часот
Школка, Градски парк – Скопје
Настанот е одржан во соработка со Град Скопје и Универзална сала.
Книгата е веќе достапна во книжарниците и преку дистрибутивната мрежа на издавачот.
Ве очекуваме!
Следете нè на:
АНТОЛОГ – Книжевен центар
antolog_mk
Youtube
https://www.youtube.com/channel/UCPMeZZYy8_NAAGJ4bUR3OeA
Контакт Aнтолог
e-mail: valentina.antolog@gmail.com
ул. „Ѓорѓи Пулевски“ 29 лок. 1 Скопје
тел. / факс 3201-007
