Дуријан Сукегава (1962) е јапонски писател, поет, есеист, изведувач, телевизиски водител и музичар. Дипломирал ориентална филозофија. На почетокот работел како новинар во Берлин и во Камбоџа. Автор е на голем број книги и есеи, телевизиски радиоемисии, како и на сценарија за филм. Под своето вистинско име  Тецуја Сукегава  работи како професор на Катедрата за меѓународни студии во Јокохама, каде што и живее. Бил главен вокалист на јапонски рок-бенд. Изучувал слаткарство во позната слаткарска школа во Токио пред да го напише „Слатка паста од грав“. Неговото творештво се истакнува по спојот на вистинска човечност, поетски израз и општествена чувствителност.