Валентина Бактијаревиќ

jас сум валентина

вања

вањка

вањушка

вањица

и не знам колку години имам

сѐ уште немам научено да дишам

сакам да одам боса

спијам по чорапи

понекогаш не знам кај сум

овде ми е понекогаш убаво

убаво ми е кога ме гушкаат омилените битија

убаво ми е кога ќе им се мушнам

убаво ми е кога им ги сонувам мирисите

најмногу на свет сакам

небо сонце месечина птици

многу сакам птици

верувам дека сум била птица некогаш

додека не сум била овде

и дожд кога ќе ми испрати сакам

овде понекогаш нешто и сфаќам

овде сум затоа што сакам некои битија

таму сум затоа што сакам некои битија

помеѓу сум сама со нив

тогаш ми е најубаво

некогаш бев вљубена во пероните

сега само ги љубам

епитаф сум на гробот

на жив човек

ќе снимиме филм така ќе се вика