АНТОЛОГ НА 2 МЕТРИ ОД ТЕБЕ
Издавачката куќа Антолог со задоволство ви најавува еден поинаков старт на месецот јуни. Од денес започнува големата јунска акција „Антолог на 2 метри од тебе“ во рамките на која сите наши изданија ќе можете да ги купите со попуст од 20% и за првпат во 20 града низ Македонија истовремено. Во соработка со нашите партнери за првпат ги носиме попустите и во вашиот град – на само една пријатна прошетка до најблиската книжарница.
Стартот на најопуштениот период на годината-летото е вистинско време да ги надополните вашите полици со наслови кои подолго време ги посакувате и да се подготвите за еден релаксирачки читачки маратон на плажа или за вистинско уживање во долгите топли ноќи што ни престојат.
Акцијата ќе трае до крајот на месецот (30 Јуни) и ги опфаќа сите наслови на Антолог кои се на залиха во нашите книжарници и во книжарниците низ Македонија каде што се застапени нашите изданија.
По градови и продажни места мапата на големиот јунски попуст изгледа вака:
- СКОПЈЕ: двете книжарници на Антолог, Алби Центар, Алби Аеродорм и Алби Тафталиџе
- БИТОЛА: Кокпит урбаниум, Култура, Македонска книга 28
- ПРИЛЕП: Викели, Офис трејд, Офис плус
- ОХРИД: Просвета и Снежана
- ТЕТОВО: Хартија комерц и Офис плус (Палма мол)
- ШТИП: Мист, Арт кафе и Венеција
- СТРУГА: Клио
- СТРУМИЦА: Мозаик и Цвејо
- КАВАДАРЦИ: Дирикон и Офис плус
- НЕГОТИНО: Бонига и Кодиком
- РЕСЕН: Сим комерц и Матвеев
- БОГДАНЦИ: Рир
- МАКЕДОНСКИ БРОД: Тобако вест
- РАДОВИШ: Сони и Атлас
- ВИНИЦА: Кутлеш
- КУМАНОВО: Херби 1 и Херби 2
- ВЕЛЕС: Унистар
- КРАТОВО: Ох Мегдан
- ГЕВГЕЛИЈА: Офис плус
- ГОСТИВАР: Офис плус
- СВЕТИ НИКОЛЕ: Меѓународен центар за славјанска просвета
И нашите најнови изданија се исто така се дел од попустите, а од широката палета на наслови кои ќе го одбележат летотo ви ги предлагаме:
Продложенијата на маестралните трилерски трилогии Бастанската („Заветот на коските“) и Оксфордската („Убиствата на Алиса“), потоа мегапопуларниот крими трилер од авторката на Хари Потер, „Повикот на кукавицата“, која пишува под машкиот псевдоним Роберт Галбрајт. „Мојата сестра, сериски убиец“, најдобар трилер за 2019 година на „ЛА тајмс“ и втор избор на „Гудридс“, како и „Деца на злото“ уште една маестрална политичко-крими приказна, која ја разбранува јавноста во соседството и руши рекорди на продажба во соседна Србија. Од трилерски препораки, секако и „Убиства со монограм“ – новиот случај на ненадминатиот белгиски детектив Херкул Поаро, овој пат од перото на Софи Хана.
И годинава имаме наслови што се во чекор со преференциите на глобалната книжевна публика, па оттука ја издвојуваме шведската сензација Софија Лундберј со двата нови романа „Црвениот адресар“ и „Прашалникот е половина срце“. За љубителите на скандинавските автори имаме и две нови изданија од безвременскиот Фредрик Бакман.
„Антолог“ секогаш ги поддржува македонските автори, па за претстојното лето најтопло ви ги препорачуваме книгите на Анде Јанков, Денис Бојаров и Дијана Петрова. За оние што сакаат да поработат на себе имаме одличен избор на наслови во „Атомски навики“ и серијалот на Хедвиг Монтгомери со безвременските совети за полесно и успешно воспитување на децата.
И секако, Елизабет Гилберт, една од најпопуларните авторки денес, во издание на „Антолог“ со својата историска фикција „Град на девојки“ и бестселерот за потрагата по смислата на животот, „Јади, моли се, вљуби се“.
Во склоп на проектот UNITED WE READ!, реализиран со поддршка на програмата Креативна Европа на Европската Унија.
