Божидар Барлакоски е роден во Прилеп во 1984 година. Поет, филозоф, новинар. Автор е на три поетски книги и добитник е на повеќе од дваесет меѓународни награди за фотографија, меѓу кои и бронзен медал за фотожурнализам од „Торонто камера клаб“, PSA сребрен медал за фотографија во Кипар, сребрен медал за фотографија во Украина, Гран при – златен медал за колекција на фотографии на Денови на македонската фотографија 2014 година, како и на голем број признанија и дипломи, а своевремено една фотографија од Барлакоски е објавена на интернет-страницата на National Geographic како избор на денот. Учествувал како член на жири на два меѓународни конкурси за фотографија.

Како поет досега бил учесник на неколку книжевни настани и фестивали. „Сама книга“ е неговата трета збирка поезија.