Дарин Ангеловски (Скопје, 1977) е виш научен соработник / вонреден професор во Одделението за македонско-балкански книжевно-историски врски при Институтот за македонска литература – Скопје (УКИМ). Истражува во областите на книжевните врски, рецепцијата на класичната култура и културолошките студии.

Објавил повеќе од педесетина стручни и научни трудови во домашната и странската периодика. Автор е на стручните монографии: Споделена антика: студии и есеи за класичната култура и античката литература (ИМЛ, 2023), Античката литература во македонската културна средина (културно-општествени и преводни аспекти) (ИМЛ, 2020) и Идентитетите и транзицијата (ЗККМ, 2014). Член е на Здружението на класични филолози на Македонија „Антика“ и на Здружението за компаративна книжевност на Македонија (ЗККМ). Преведува од бугарски јазик.