Делимир Решицки е роден 1960 година во Осиек, Хрватска. Студиите по кроатистика ги завршил на Педагошкиот факултет во родниот град. Поезија, проза, книжевна критика и есеи почнал да објавува на почетокот од осумдесеттите во речиси сите важни хрватски списанија за култура и уметност. Соработувал со музичката група „Родерик“, а бил член-текстописец на групата „Галебови“. Неговата поезија е застапувана во сите поважни антологии на современата хрватска поезија. Добитник е на наградите „Хуберт Бурда“ (2008), „Киклоп“ (2005), „Владимир Назор“ (2006), „Горанов венец“ (2011).