Фјодор М. Достоевски (1821-1881) е руски писател, филозоф и публицист, чии дела извршиле огромно влијание врз книжевноста. Се родил во Москва, но во младоста се преселил во Петербург. Првиот роман го објавил во 1846 година. Како учесник на револуционерното движење бил осуден на смртна казна, но во последен момент казната била заменета со прогонство во Сибир. Тоа било пресвртница во неговиот живот, преобразувајќи го во длабоко религиозна личност. И неговите дела се своевидна преродба, постепен премин од еден во друг свет и запознавање со нова, дотогаш сосема непозната реалност. Поради тоа се актуелни и денес.