Николај В. Гогољ (1809-1852) е еден од најталентираните и најавтентичните руски писатели. Роден е во благородничко семејство, но животот го поминал во лоша финансиска состојба. Се обидел да биде државен службеник и професор, по што десеттина години живеел во странство. Во последните години од животот паднал во депресија и почнал да води аскетски живот. Кратко време пред смртта ги спалил своите ракописи меѓу кои и вториот дел од романот „Мртви души“. Го сметаат за „татко на руската проза“.