Горан Тренчовски е писател и режисер со искуство во сите медиуми. Потписник е на повеќе ТВ- и кинофилмови и театарски претстави, како и автор на десетина книги со есеи и студии за книжевноста, филмот и драмата. Докторирал на темата „Интермедијалните верификации на романите Црвениот коњ од Ташко Георгиевски и Нежниот варвар од Бохумил Храбал“. Предавач и професионален соработник е во неколку интернационални проекти и академски програми од областа на културата, уметноста и образованието. Основач и уметнички директор е на филмскиот фестивал „Астерфест“. Член е на Британската асоцијација за компаративна литература, на Европската филмска академија и на Друштвото на писатели на Македонија. По добиената награда во Кардиф за неговиот игран филм „Златна петорка“, живее и работи во Велика Британија.