Хенрик Фексеус (1971) е еден од најбараните предавачи во Шведска и наградуван менталист. Има изведено неверојатни психолошки експерименти користејќи техники од магионичарството, театарот и психологијата за да создаде илузија на натприродна способност за читање или влијаење на мислите на другиот.

Вниманието на читателите го освои во 2007 година, со дебитантската книга „Уметноста на читањето умови“. Оттогаш Хенрик стана реномиран автор чии книги се преведени на повеќе од 30 јазици и се продадени во милиони примероци. Своето деби како автор на белетристика го има во 2017 година, со романот „Изгубените“. Фексеус е исто така широкопризнат како еден од водечките светски експерти за говор на телото.