Инга Абеле (1972) е една од најпопуларните и најнеконвенционални латвиски писателки. Пишува романи, поезија, драми и раскази. Добитничка е на многу книжевни награди, меѓу кои и наградата на Балтичката асемблеја за романот „Плима“. Ја опишуваат како еден од најважните латвиски писатели поради уникатниот стил и актуелните теми. Нејзините книги се преведени на неколку европски јазици.