Лора Маркам докторирала клиничка психологија на универзитетот Колумбија и работи како личен советник за родителство со безброј семејства во многу земји каде што се користи англискиот јазик. Нејзините книги досега се преведени на десет јазици.

Како водечки поборник за родителите и за децата, д-р Лора често дава интервјуа, почнувајќи од Риал симпл (Real Simple) преку Волстрит џурнал (Wall Street Journal), до Фокс њуз (Fox News). Постојано ја бараат да држи излагања и да води работилници благодарение на топлата срдечност со која се поврзува со публиката и на нејзините практични интервенции базирани врз истражувања.

Над сто илјади мајки и татковци уживаат во нејзините бесплатни објави за животното советување кои се доставуваат преку имејл. За ова можете да се пријавите преку која било страница од нејзиниот веб-сајт, AhaParenting.com, кој пласира „А-ха! мигови“ (Aha! Moments) до родителите на деца од бебешка возраст до тинејџерска. Можете да се придружите и на нејзината заедница на Фејсбук (www.facebook.com/AhaParenting) и да ги следите најновите истражувања од областа родителство преку Твитер, на @DrLauraMarkham.Доктор Лора тежнее кон тоа да го промени светот, секое едно дете, така што ќе ги поддржува родителите. Таа е горда мајка на две успешни млади личности кои ги одгледала со својот приод на трпеливо родителство, а живее во Бруклин, Њујорк.