Људмила Петрушевскаја (1938) е руска писателка, поетеса, сценаристка, уметница, композиторка и режисерка на анимирани филмови. Рано почнала да пишува и да објавува (во 1957 година во списанието „Московски комсомолец“), а работела и како дописник на радио и на списанието „Кругозор“. Првиот расказ го напишала во 1968 година, а го објавила дваесет години подоцна. Оттогаш главно пишува проза. Досега објавила три романи и седум збирки раскази, како и неколку книги со бајки и со драми, но и неколку книги за деца. Добитничка е на десетина светски и домашни награди за литература.