Мајкл Ондачи (1943) е канадски писател роден во Шри Ланка. Есеист, романсиер, уредник и филмски автор. Дипломирал и магистрирал уметност. Автор е на седум романи и на десетина поетски збирки, со кои е национално и меѓународно признат. Добитник е на голем број награди, кои го потврдуваат како еден од најпознатите живи автори во Канада. Тој и неговата сопруга Линда Спалдинг се уредници на влијателниот книжевен весник „Брик“.