Маргарет Атвуд (1939) е канадска поетеса, романсиерка, книжевна критичарка, есеистка  и активистка. Магистрирала на Харвард во САД. Предавала на повеќе универзитети. Нејзините дела проучуваат различни теми: полот и идентитетот, религијата и митот, моќта на јазикот, климатските промени и „политиката на моќ“. Има освоено голем број награди и признанија, меѓу кои и Букеровата награда, наградата „Артур Кларк“, Наградата на главниот гувернер на Канада, наградата „Франц Кафка“, награда од Националната книжевна критика и Награда за животни достигнувања од ПЕН центарот на САД.