Тарас Прохаско (1968) е украински писател и новинар. По професија е ботаничар кој дипломирал на Биолошкиот факултет на Лавовскиот државен универзитет „Иван Франко“. Во различни периоди работел како наставник, бармен, чувар, радиоводител, новинар во весници и на телевизија.

Добитник е на повеќе книжевни награди, меѓу кои наградата на издавачката куќа „Смолоскип“, литературната награда „Џозеф Конрад“ и наградата „Јуриј Шевељов“. Автор е на десетина книги за возрасни. Книгата „Кој ќе го направи снегот?“ е негова прва книга за деца. За неа авторите во 2013 година ја добија наградата „Детска книга на годината BBC“ и „ЛитАкцент на годината“.